GaMaL Eldeen's Journal, 06 Aug 21

اللوكارب مع الصيام المتقطع

دا نظام إبتدائي لأي حد بيبتدي دايت جديد لانه نظام تدريجي مينفعش اجي مره واحده امنع الكاربوهيدرات والسكر مره واحد لان الجسم بيكون متعود على حرق الجلوكوز سواء من الكربوهيدرات او السكر
فعلشان اغير آلية الجسم من الاعتماد علي الجلوكوز الي حرق الدهون (الكيتوز) بتعامل كدا تدريجي مع الجسم
لان الشخص مننا متعود على الكربو بنسبة كبيرة في الاكل ودا بيتهضم بصورة اسرع واسهل من البروتين والدهون بالتالي الشعور بالجوع بيكون اسرع لذلك الترج مع الموضوع بيكون هو الحل الامثل للمرحلة دي
فبنقسم الوجبة لنصفين 50% كربو
25%بروتين 25%دهون صحية
الكربو بنختار الكربو النظيف زي الشوفان البطاطا الحلوه الخضار بكل انواعه
ونقلل تدريجي من الكربو الغير نظيف زي الدقيق الابيض ومشتقاته ( مكرونات عيش الخ...)
وكمان السكريات
لان احنا عاوزين نشتغل ع هرمونات الجسم
الكربو والسكريات بتعمل ع رفع مستوي هرمون الانسولين ف الجسم بصورة سريعة بالتالي الهرمون لازم يرجع مستوي الجلكوز ف الدم للحد الطبيعي فبيعمل ع إدخال الجلوكوز ف الخلايا ثم المتبقي يتم تحويله الي جلايكوجين يخزن ف الكبد ثم الي خلايا دهنية ف اماكن مختلفه من الجسم
ومن ثم الشعور السريع بالجوع ف حين اننا اكلنا من فترة قصيرة
تقليل الكربو تدريجي هيفعل عندنا حساسية الانسولين بالتالي لما يكون الانسولين ف مستوي متدني يفرز البنكرياس الهرمون المكمل للأنسولين الي هو هرمون الجلوتامين الي بدوره بيشتغل عكس شغل الانسولين
فعندما ينخفض مستوي الجلكوز ف الدم للحد الادني يفرز هرمون الجلوتامين الذي بدوره يعمل علي تحويل الجلايكومين المخزن في الكبد الي جلوكوز ثم تحويل (حرق) الخلايا الدهنية الي كيتونز واعتماد الجسم عليها كمصدر للطاقة افضل من الجلوكوز

طريقة الصيام بتكون ايضا تدريجية إبتاء من 12 الي 14 ساعة صيام ثم 12 الي 10 ساعات فطار لمدة اسبوع الي اثنين
ثم من 16 الي 18 ساعة صيام و 8 الي 6 ساعات فطار
يكون الجسم قد تعود تدريجيا علي تقليل الوجبات وايضا اصبح اعتماده ع الحرق غير مرتبط بالجلكوز فقط
ف المرحلة دي هنغير ف محتوي الكل حبه ونقلل الكاربو من 50% الي 30%
الدهون الصحية 20% ( الذبدة البلدي والسمن البلدي ذيت الزيتون ذبدة جوز الهند صفار البيض و البندق اللوز عين الجمل الكاجو وممكن الفول السوداني بدون ملح وغيرها) البروتين 50%
احنا بنعرف جسمنا محتاج كام سعر حراري ف اليوم ونقلل عن الاحتياج بتاعنا 500 س. ع
اثناء الصيام ممنوع اي مشروبات فيها سكر او تدينا سعرات حرارية
نشرب مياة كتير كتير اوي
شاي بدون سكر سواء احمر او اخضر
قهوة سادة وغيرها
لان لو دخل جسمنا اي حاجة فيها سعرات حرارية هتخلي عملية الحرق للدهون تقف والجسم يحرق من الي دخل له وبالتالي مستفدناش من الصيام

ويارب اكون عرفت اقول حاجة مفيدة





اقل من 20% كدا كيتو
ثم التدرج دا سنة الحياة ف اي حاجة
مش هتجيب حضرتك شخص بياكل 3 او 4 مرات ف اليوم واغلب اكله نشويات دقيق ابيض بمشتقاته
وكمان استخدام للسكر حدث ولا حرج
نقول له انت لازم تبطل كدا دا وتمنع الدقيق الابيض ومشتقاته خالص وكمان تمنع السكر وتمنع وتمنع
وقتها لا هيقدر اصلا انه يمنع دا لان جسمه متعود ع الحرق من الجلوكوز بتاع النشويات الي بتتحضم بسرعة وتدي شعور بالجوع اسرع
لكن لما يكون ف تدرج وقتها مش هيحس بالفرق زي المنع مره واخدة
وبالنسبة للنشويات الصحية دي هتكون امر لاحق ولما يبتدي يفهم الدنيا
ودي كانت تجربتي الشخصية اصلا
بالنسبة
موضوع 50 % بروتين كتير وضرر وفي خطورة
هو اغلب البروتين اصلا مصحوب بدهون
مثلا البيض البياض بروتين الصفار دهون صحية
اللحوم كذلك ايضا وغيرها وغيرها
فكرة وجود بروتين خام كدا بس
دي موجوده بس ف البروتين الصناعي
ابسط تشبيه لموضوع التدرج ف الصيام المتقطع
هو صيامنا واحنا صغار للظهر ثم كبرنا بعض الشيء للعصر ثم اخيرا للمغرب
من المشقة علينا وقتها اننا نصوم مره واحدة يوم كامل واحنا متعودين كل حبه ع اكل اي حاجة شرب وغيره

هذا والله اعلي واعلم

89 kg Lost so far: 36 kg.    Still to go: 19 kg.    Diet followed: Reasonably Well.