عايزة أعيط ........
لا لا لأ عايزة أنهااااار
فين الإراده ... فين العزيمه ... 😭🤔
14 Aug 24 by member: .🧡ڤانيليا
|
المغريات عندك في الاكل كتيره وانتي بتضعفي عشان وقت الجوع التخطيط بيكون صعب لازم تظبطي نفسك لما يكون في حاجات هتلخبطي فيها انك تدوقي بس عشان نفسك وقبلها يبقه كلي اي خضروات تقفل الشهيه شويا
14 Aug 24 by member: Eng.'Mohamed'
|
حببتي بلاش تأنيب نفسي عادي ادي نفسك اجازه من الحسابات واستمتعي بفسحتكم وركزي على المشروبات بدون سكر والبروتينات قدر الامكان وحاولي تصومي ولو 12 ساعه وعديها وكله بيتعوض احنا بنعمل نظام حياه ممكن نريح بمحطات ونستمر بعدها ان شاء الله تعدي 💪💪
14 Aug 24 by member: Om habiba2020
|
والله يافانيليا العك دي بيكون غصب عننا فاستعيني بالله وزى ام حبيبة ماقالتلك استمتعي بحساب
14 Aug 24 by member: m.a.s.elsayed
|
اللغبطة دي خلتني نفسياً مش تمام ...
15 Aug 24 by member: .🧡ڤانيليا
|
يابنتى متعكننيش علي نفسك يومين مصيف خدي راحتك واتحركي كتير هتوزن بعضها ودققي في كميات والنوعيات واشتري خضار على قد متقدري يكون متوفر ولو فندق ركزي بالبروتين والسلطات
وانبسطي مع اهل بيتك مش معنى بنعمل دايت نضيق حياتنا وافاقنا استعيني بالله ياقمر 💪
15 Aug 24 by member: Om habiba2020
|
عادي لما نلخبط يوم ولا يومين ما كنا بنلخبط طول عمرنا والناس اللي طالعين معاهم بيلخبطوا ٢٤ ساعه بردو، المهم نرجع نظبط تاني
15 Aug 24 by member: Hamada Zayed
|
أنا كل ما أتقدم خطوه ..برجع عشرة .... ومش عرفه إزاي مش قادرة ألتزم زي الأول بالأخص إني لما بعك بكون مش جعانه خالص والله
15 Aug 24 by member: .🧡ڤانيليا
|
انتي قولتيها يا ڤانيليا
النفسية مش تمام
عشان كده انا بشتغل علي تفكيري ونفسيتي اكتر من تفكيري فالدايت
خدي مبدأ اللقيمات هترتاحي
هتاكلي عادي بس كميات قليله جدا بحيث تحافظي علي سعرات يومك وسيبك من التفكير الكتير انتي كل اللي عاوزه تنزليه تقريبا 10 ك وده في الستات اصلا مبيبقاش ظاهر اوي فكبري دماغك وابتدي من اول وجديد وخدي الموضوع ببساطه شويا
15 Aug 24 by member: Eng.'Mohamed'
|
كلامك مريح جداً يا هندسه والله ....
ساعات كتيير من كتر ما إحنا مكبرين مشاكلنا بنبقي مش قادرين نشوف أي مزايا تانيه في حياتنا .... بجد ال 10 كيلو دول بالنسبالي أزمه مخلياني مش شايفه مشاكل في حياتي غيرهم ونسيت كم النعم اللي حواليا .... جزاك الله خيرا.... خلتني أخد بالي
15 Aug 24 by member: .🧡ڤانيليا
|
اصل انا مريت بكل ده
ربنا يسعدك في رحلة الدايت ويومك موفق بإذن الله
15 Aug 24 by member: Eng.'Mohamed'
|